Letste neijs:
Neije hiërser Prins René II |
| 08-01-2012 | door Wepmaster |
In unne bomvolle en gezellige Wieksjlaag gonsde ut van de geruchte weem det de opvolger ging waere van Prins Leon I. En naodet det Leon I um 21.11 oor offisjeel aafsjied heij genome van de Beringse Kuuskes en Kuus, woort ut hoëg tiehd vûr de neije hiërser.
De prinsebalkemissie heij un spannende act bedacht, getiteld "Hoorspel van de 3 keuninge". Vanwege sjrikkeljaor ware de 3 keuninge unne daag later in Beringe en klopte ze aan op de deur van de Wieksjlaag. Nao un zoektocht door de zaal en mèt toepasselikke geluide van de de viëf herders, kwame de keuninge aan op de buhne beij de stal (of waas ut unne zolder) waor Maria en Jozef beij ut kribke stonge. Oeht det kribke kwaam nao un spannende finale René Nouwen oeht as neije hiërser van de Beringse Kuus.
Nao de offisjele installatie stong hae dao: Ziene doorluchtige hoëgheid Prins René II Nouwen, samewoëhnend mèt Monique Stammen. De liefspreuk van Prins René II is: Pak un toeht en maak muziek, deze vastelaovend wurt Berings sjiek!! Wilt gae weite wie Prins René II zien oehtkome heet ervare, kiehk dan komende waek in zien daagbook op dees wepsait!
Terug
