Os allerleefste Beringse Kuuskes en Kuus,

Wae kwame aan bej P&M en toen zoge wae metein John en John. John stilde os allemaol vrugskes vur de radio die wae moste beantwoorde, wae mochte ouk un eige leedje keeze det gedreijd zu waere op de radio; Hand in Hand van de Geliënde. Nao ut radio-intervieuw werde dr nog tv-opnames gemaakt. Wae moste oszelf ff kort veurstille en ouk nog wat vraoge beantwoorde, merge wurt de tv-opname oehtgezonde op P&M. 

Os allerleefste Beringse Kuuskes en Kuus,

Metein nao ut JWB-bal waas ut tienerbal vur de tieners van Peel en Maas. Dr werde veul polonaises geloupe, veul gespronge, gedanst en gezonge. Ut waas hiel druk en gezellig. René en de groëte raod van 11 kwame um 20 over 9 de zaal binne, toen kon ut fiëst hielemaol los. Op ut litst van de aovend werde de prieze van biste danser(es) en bist verkleide bekint gemakt. Daornao konde wae ut neet laote um toch nog un paar lange polonaises te loupe. 

Nao ut tienerbal ginge wae nog mit de hiele JWB-groep un brudje frikandel/kroket aete bej Loes. Toen idderein nao hoes waas en wae op woeie gaon rume, kwame René, Monique, Marc, Jac, John en Bert nog ffkes binne um get te aete. 

Os allerleefste Beringse Kuuskes en Kuus,

Gisteraovend waas ut JWB-bal vur de jeugd van groep 5 en groep 6. Nao un deil polonaises mochte wae de pries vur biste danser(es) en bist verkleide oehtreike. De biste danseres van deze aovend waas Britt en de bist verkleide waas Janine. Ut waas neet zoe druk, maar wel kei leuk!

Os allerleefste Beringse Kuuskes en Kuus,

Vanmiddig waas de sjoëlmiddig. Ierst trokke wae same mit de hiele sjoël door Beringe. Wae stonge same mit sjoëlprinses Sabien, sjoëlprins Dirk en de jeugdraod op unne sjoëne wage. Auch de kinger van Beringe heije leuke en mooie wages gemaakt.

Nao de optocht ginge wae de zaal in. Idderein heet veul gedanst, gezonge en natuurlik polonaise geloupe. Halverwege de middig kwaam de priesoehtreiking: Bist versierde bord; groep 0/1/2 en groep 7, leukste/mooiste wage; ut oerwoud en de bist verkleide; ut draakje. Daornao werd dr nog ff flink gefiëst.
 

Os allerleefste Beringse Kuuskes en Kuus,

Aafgeloupe woensdig hebbe wae mit alle jeugd van vreuger gezellig gegaete. Nao ut aete kwaam ouk de jeugdraod de zaal in. Ut begon mit ut veurstille van de raod, prins René, de dansmarietjes, de jeugdraod en waezelf natuurlik. Hejnao volgde de Beringse Blumkes, de drumband, de Maxlaan, Onkroet Vergeit Neet, un dans van Splash, Fer Naus en Kwatch. Tussedoor werd ut muzikaal ondersteund door die Lustigen Freunde. 

Toen alle optrejes vurbeij ware, waas ut tieht um de bist verkleide dame/hiër bekint te make. Dit ware de opa en oma van Monique. Ut officiële gedeilte waas vurbeij, maar gelukkig bleve de meeste nog ffkes zitte en konde wae nog un paar polonaises loupe. 

Os allerleefste Beringse Kuuskes en Kuus,

De zondig nao oze eige resepsie mochte wae nao de resepsie van de Eikkaters in Kessel-Eik . Prins Henk en jeugdprins Giel zien familie van Koen. Same mit de Graasvraeters zien wae gaon felisitere want ouk prins Fred en prinses Connie zien familie. Wae werde prinselik ongerscheije en krege d’r wir unne medaille bej.

Os allerleefste Beringse Kuuskes en Kuus,

Aafgeloupe zatterdig waas de resepsie vur os en natuurlik ouk vur prins René. Vur det de resepsie begon, ware d’r ierst nog un paar angere dinge. D’r werd ff stil gestaon bej ut wigvalle van actief carnavalslid, Milou Steeghs. Dit werd gedaon mit un mooi gedicht en mit ut lievelingsleedje van Milou; Vandaag! Ut BCL kwaam nog um de jubilarissen te huldige.

Um 20.11 oor begon de resepsie. Al snel stong de zaal hielemaol vol. Ut begon mit os familie en de familie van René, daornao kwame d’r steeds mier bekinde gezichte veurbej. Oze JWB-groep verraste os  mit un kei leuk optreje van verschillende leedjes. Wae hebbe ontilbare hendjes gesjut, veul leuke cadeautjes en felisitasies gekrege, nog un kier ‘dankjewel’ heijvur.

Nao ut officiële gedaelte van de resepsie mochte wae eindelik de zaal in. Un groët fiëst barste los mit unne lange polonaise. Ut is neet te geluive, mer wae en alle minse in de zaal ware getuge van ut huweliksaanzeuk van René aan Monique. D’r is vanalles al aangeboje; unne zaal, unne trouwauto, un slaopplaats vur de huweliksnacht, un paar vate beer en nog veul mier. Natuurlik wille ouk wae gaer wat aanbeje: wae zulle op de broeloft klaorstaon as broedskinger.

DJ Leon zorgde vur geweldige muziek! Net vur ut nao hoes gaon hebbe wae prins René nog un kadootje aangeboje; un botterhammetrommel vol mit vitamine en un pekske parasetamol, zoedet hae d’r deze carnaval volop tegenaan kin. Wae krege van René en Monique ouk un leuk kadootje. Ut fiëst ging door tot in de late eurkes. Deze aovend waas in 2 weurd: GEWELDIG en ONVERGAETELIK!!!

Mèt de Beringse jeugd veurop, wurt de vastelaovend hielemaol top! Alaaf!

Os allerleefste Beringse Kuuskes en Kuus,

Op vriedig 3 februari hebbe wae mit de hiele JWB-groep ut LVK gekeken. Veurzeen van Roëd, Geel, Greun schmink, drinke, chips en snackjes koste wae dr deze aovend hielemaol tege aan. Op ut litst van de aovend werd de terechte winnaar bekint gemakt; W-dreej mit Doot 's gek!! 

Mèt de Beringse jeugd veurop, wurt de vastelaovend hielemaol top! Alaaf!

Os allerleefste Beringse Kuuskes en Kuus,

Op 27 januari mochte wae naor de bonkte aovend! Um half 8 kwame wae bej elkaar. De Beringse Blumkes mochte de aovend opene mit unne geweldige dans. Ut hiele publiek waas enthousiast. Nao un paar optrejes werde wae naor achtere gehalt um bej de raod van 11 in de bak te zitte. Ut waas hiel leuk, mer nao 2 optrejes mochte wae weer bej oze jeugdraod en de rest van de JWB gaon zitte.

Op ut litst kwame Bram en Ruud oeht Venlo. Wae ginge mit de hiele jeugdraod in polonaise de buhn op. Bram en Ruud zonge un paar leedjes en idderein, in de zaal en oppuh buhn, zong mej. Um de aovend hielemaol aaf te sloete mochte wae nog get zegge en natuurlik ouk oze spreuk.

Vriedig gaon wae mit de hiele JWB-groep ut LVK kieke. Wae hebbe dr hiel veul zin in en gaon dr ouk dan wir eine gezellige aovend van make. Ut verslaag hej van volgt later nog.

Mèt de Beringse jeugd veurop, wurt de vastelaovend hielemaol top! Alaaf!

Os allerleefste Beringse Kuuskes en Kuus,

Aafgeloupe vriedig zien wae mit de bus naor Grashook geweest um Prins Fred ll en Prinses Connie te felisitere. Fred en Connie zien oom en tante van Koen.

Bej ut felisitere werde wae prinselijk ongerscheije, wae krege unne sjoëne medaille. Daornao ging ut fiëst los. Same mit de prinsepare van Peel en Maas en de Peelpluime oeht Helenaveen hebbe wae de hiele aovend gefiëst. Ronk kwart op 12 ginge wae naor hoes. Ut waas unne gezellige aovend!

Os allerleefste Beringse Kuuskes en Kuus,

Op dinsdigaovend 17 januari zien wae bej ein gekome um sleutelhangers vur de resepsie te make. Same mit Han en Marc hebbe wae flink geknutseld. Nao un paar eurkes werke ware wae klaor!!

Os allerleefste Beringse Kuuskes en Kuus,

Um 19.00 oor kwame wae bej de Nabber bej ein in un zwart t-shirt. De jeugdroad waas al daor. Toen we compleet ware moste wae mit z'n alle naor achtere. Daor werd bekint gemakt waem d'r jeugdprins en prinses zu waere. De irste reacties ware leuk um te hure. Toen werde wae naor achter gerope vur oetleg bej ut oetkome. Nao de oetleg mochte wae eindelik de does in. Nog ff de spreuk oefene en wae ware d'r klaor veur. 

Vorst John kondigde os aan, en dao stonge wae dan... De dansmarietjes brachte os de mantels, steek, kroontje en kuuskes. Wae ware compleet. Toen kwaam de jeugdraod ut podium op, wae mochte ze veurzeen van de steken. Umdet wae mit zo'n groëte groep ware, heije wae ouk nog un JWB Crew achter os staon. Toen mochte wae nog get zegge en natuurlik ouk ozze spreuk: Mét de Beringse jeugd veurop, wurt de vastelaovend hielemaol top! Toen konde wae eindelik de zaal in en mit un lange polonaise begonne wae deze vastelaovend.

Um 21.41 oor werd de groëte prins bekind gemakt; prins René ll. Wae zien hiel blij det wae unne goije prins langs os hebbe staon. Same mit prins René hebbe wae d'r un hiel diek fiëst van gemak. Ronk de klok van half 1 dede wae nog de kabouterdans as aafsloeting van de aovend. Daornao zien wae allemaol naor hoes gegaon en konde wae zegge: Ut waas unne geweldige aovend...!

Mét de Beringse jeugd veurop, wurt de vastelaovend hielemaol top! Alaaf!

Jeugdprins Koen l en jeugdprinses Loes l

Vanaaf ut oehtkome op zadderdig 7 jannewari 2012 zal heij regelmaotig un versjlaag waere gesjreve door os jeugdige doorluchtige hoëgheden. Belaef ut prins(es) zien un bietje mèt en laes de ervaringe die unne prins en prinses allemaol mèt make...