Letste neijs:
Algemein
Jeugdvastelaovend in Beringe begint op de liergeresjoel, weem de jeugd heet heet de toekomst. De carnavals vereniging heet contact gezog mit liergeresjoel of ze same wat koste doon. Dit resulteerde toen in unne jeugdprins en prinses (sjoelprins en prinses) , dees werden toen oet groep 8 gekoze. De raod van illuf kwaam in ut begin aug oet groep 8, later kwame die oet groep 6-7 en 8. De prins en prinses werden, vriedigs merges vur de vastelaovend, op sjoel oetgerope dit gebeurde dan op ein ludieke manier.
Later werd dit versjoove noa ein week vur de vastelaovend, zoedet de vastelaovend bei de jeugd wat mier begos te laeve. ’t Oetraope waas wel altied onger sjoel tied, dit waas wel jammer umdet der dan mer weinig minse van boete de sjoel aanwezig koste zien. Wel zurgde de carnavalsvereiniging der vuur det der weeks vur ut oetkome van de prins en prinses de prinsekleier al op sjoel werde geïnstalleerd zodet alles al ging laeve en er al speculaties los kwame weem er prins en prinses zouwe were. Vastelaovendvriedig waas aug de daag van de rammeloptocht en sjoelmiddig. Dan kwame, smiddigs, alle kinger misters en juffe verkleid noa sjoel, aug waas de carnavalsvereiniging van de partij. De kinger koste dan aug in heur creaties en wages vur de groete optocht mit trikken. Dit waas, en is nog altied, eine hiele sjoene bonte stoet de dan door de Beringe staote trekt. De jeugdprins leep dan achter aan in deze optocht. Later op eine wage deze waas van de havenkapel (joekskapel) en werd later overgenome door de carnavals vereiniging en heet jaore deenst gedaon als jeudprinsewage. De liergersjoel vong det idder kink van sjoel prins en prinses kos were, dit waas natuurlijk ein gooij zaak. Het jammere hej van waas wel, um det neet alle minse vastelaovend viere, doe de rest van dees dolle daag, op deze prins en prinses met hun gevolg, gin beroep kos daon.
|
|
|
|
|
|
Toen later (2002) ’t Jeugd Werk Beringe (JWB) werd opgericht, dit is ein vereiniging vur kinger vanaaf groep 5, en dees vereining vaste vorme begos te kriege in ’t Beringse, werd der van oet de carnavalsvereiniging gedach, um same activiteiten op tezitte in het belang van de Beringse jeugdvastelaovend. Dit resulteerde in same werking in de alcoholvrije tieneraovend vur alle Heljse jeugd, die ierder was opgestart vanoet de Beringse Kuus. En natuurlijk aan unne jeugdprins en prinses mit raod van illuf. Der werd gedacht aan de iets aojere kinger (ongeveer 13-14 jaor) die op ‘t twidejaor van ’t vuurgezit ongerwies zitte en lid zien van ut JWB. Dees gedachte krege vaste vorm in 2007 wat resulteerde in eine jeugdprins en prinses mit voltalligge raod van illuf in 2008. Der werd groet ingezatte mit neije steke en kleijer vur prins, prinses en vur de raod van illuf. ’T Waas unne geweldigge start op ’t juuste moment det allein nog met beter is gewaore.
De jeugd prins en prinses were oetgeraope net vur de groete prins, hej nao kumt de raod tevuur sjien en wurd idderein geïnstalleerd. Ze hebbe un hiel programma mit versjillende activiteiten van oetkome, recepties, bonteaovende, jeugd van vreuger bal, rammeloptocht, groete optocht, boorebroeloft, pulverkesbal tot aan hur aaftreje op vastelaovenddisdigaovend. Dit is natuurlijk vur dees kinger ein onvergetelijke beleving die lang zal blieve hange en vur de vastelaovend in zien gehiel ein hiele verbetering is wand weem de jeugd heed heed de toekomst, want allein op dees manier kin ze dees kultuur van vastelaovend oetdragen.
Gesjreve door (mede)oprichter/kertrikker jeugdvastelaovend Hans Mertens
