Letste neijs:
| Receptie Helje Durp. | |
| 13-02-2012 | door de Prins | |
|
In un boemvolle Zoes, kos de litste receptie beginne,
Polonaise in de zoes is althied wir un oethdaaging, en det bleek auch deze kier wir, der zit zo’n leuke gats in de zoes tusse de café en de zaal, wao se mit de polonaise tegeliek heen en truuk mos, en op ein of angere manier, is t in dae gats althied t gezelligst want dao staon de meiste minse.
T podiumke werdt opgebouwd, dit jaor get liëger umdet Prins Nick bist behuurlik groët is.
En op t list werd der nog van idder durp un Vastelaoves sjlager gedreijt, waonao t veul te snel laat waas en wae alwir nao hoes moste.
De litste receptie zoot der op, dju wat waas t gezellig, neet alien in durp, mer in alle aod heljese durpe weite ze wel wiese vastelaovend mos viere!
Wies vriedig beij de machsoverdracht!!!
|
|
| Os Receptie. | |
| 13-02-2012 | door de Prins | |
|
Veurdet ich gaon vertille wie wae t belaeft hebbe, wil ich idderein heel hel bedanke, GE-WEL-DIG.
Jao en woor begins dan…………
Umdet der dit jaor un aantal leeje van de beringse kuus hun julileum haije, werde wae verwacht um half 7 in de Wieksjlaag.
Wao we ierst same stil hebbe gestaon beij ut overleide van Milou, lid van de Beringse Kuus en bovenal vastelaoves vierster in hert en neere.
Dit zien minder leuke dinge in t leave, en veur mich waas dit auch hiel aangriepend!
Mer Vastelaovend is auch un traon en un lach, en dit kan soms hiel doën beijein ligge.
De BCL waar oeth genuddigd um de jubilerende leeije te ongersjeije.
Wat leuk is um te vermelde det ich auch vanoeth de Kuus de leeije un iëre penning mogt umhange.
En det mien Pap auch 1 x 11 jaor lid waas. En als klap op de veurpiel Jo van van Horens antoon 44 jaor lid, tome nog sjoen he!!
T waas al druk en t zou nog veul drukker waere,
De fanfare haij un sjoen serenade gebracht. En haije un sjoen kado: un Royal kussen set veur op de haarde steul van de wieksjlaag, want t waar gin doon veur mien prinselike vutje um op dae haarde plank te motte zitte.
De Aod Prinse haije un sjoene aod prinse proklamasie, mit 11 punte wao aan ich mot voldoon wil ich beij die klup mooge. Der waar mer ein punt wat un probleem kos waere punt 4 waas vur de 11 van de 11 Monique ten huwelik vraoge, mer dao over dalik mier.
en alle zuster vereinigingen deeije auch un sjoen weurdje wat ich allemaol haij oethgevraete vreuger!
En ze moste tog nog truuk koome op punt 4 van de aod prinse proklamasie.
De Beringse Kamiele, mien kamereuij, haije auch un erg leuke speech inein gedreijt, mit un kamiele ongersjei-ing, Brilliant!!
nao 1000 hendjes gesjud te hebbe, kos t fiëst eindelik beginner, t waar nog steeds druk, bijna te druk um fatsoenlik un polonaise te laupe.
Tussen door werd nog de neije beringse zomerhit gedreijt, mit de brilliante text van Jarno Dorssers,
En van mien zang en van de achtergronk zangeresse, heet Jim Versteegen op zeer proffesionele wijze nog iets hiel goods kinne maken. ( we haije aafgelaupe mandig beij Jim (( v-records)) in de studio t nummer opgenomen )
T fiest waar in volle gang, en t waas erg gezellig, en um half ein waar t nog knoepertje druk.
En toen…..
Vorst John kwaam nao mig toe.
Der waare zoeveul reacties gekoome op punt 4 van de proklamasie,
Prins adjudant en vorst van Kunningslus kwaame kelnere
Grashook mit 3 man bardeenst dreije,
Trouwvervoer door Prins Pieter van Kepel
T eine vetje beer nao de angere.
Os eige DJ aod prins Leon, stelde zich besjikbaar as DJ.
Un creatieve kaart waas auch gin probleem zei ozzevorst John.
Zelfs de zaal en de huweliksnacht waare al geregeld
En hae zei Rene heese der oeijt over nao gedach um Monique ten huwelik te vraoge,
En det haij ich wel, allein heet Monique altied gezag ich wil wel un origineel aanzeuk,
En ich wil trouwe mit un prins op t witte paerd.
Dus ich kwaam tot de conclusie det dit wel un erg good en origineel moment zou zien.
En toen werd Monique de buhne opgeroope door DJ Leon, en ze snapte der mer nix van.
Tot det ich PRINS Rene naeve heur stong, welliswaar zonger wit paerd, mer toch ich twiefelde neet, en zei nog tegen Monique dit is gin grapje, en ging op mien kneen, en spraok de weurd: wiles mit mig trouwe!
Jao !!!
Die reactie oeth de zaal geweldig, de eine stong te juichen en te springe de angere haij de hank veur de monk, der stonge der zelfs te beuhke.
En toen kreeg t fiest un erg leuke wending,
En we hebbe nog kei lang en kei hel door gefiest!
Toen ich officieel de aovend mocht aafsloethe dacht ich dit is neet te geluive! T waar nog steeds druk, de echte die hard beringse kuuskes en kuus die stonge nog in de zaal!
Beringe kin trots zien op t feit det vastelaovend laeft in os klein durpke! Vorst John zeet t neet veur nix zoe duk: vastelaovend viere, hoij det in iëhre.
|
|
| Foto maken in Vinnel. | |
| 13-02-2012 | door de Prins | |
|
Illik jaor makt de Trompetter van alle prinsen in limburg un groeps foto, Wae as Beringe mooge veur t stadhoes in Vinnel met alle prinssen van noord-midden limburg oppe foto,
Wae werde verwacht beij café de Old dutch op t stadhoesplein in Vinnel, um os as prinssen aan te melde, gelukkig haij de organisatie t grotste café van Vinnel oeth gezocht want t waar behuurlik druk,
Ik geluif det der wel 40 prinssen waare (en auch get angere figure, zoeals graaf Lucifer oeth steil, en de Driekes nar ) der waar der geluif ich zelfs eine oeth kaatsheuvel ;)
Idderein gin zich opstelle veur t stadhoes. De “groete” hiersers van de stad, in de midde, en toen kos t terug kierende ritueel beginner…………..wachte op de prins van DE jocus….. dae zoeals elk jaor te laat is…… die wachte dan un streutje verder tot idderein zit en komme dan mit net get te dieke gesponsorde auto`s aan zitten zoedet iddrein t kin zeen !
Dit jaor waare ze bijna echt te laat, de fotograaf vong t wel genog geweest en haij de middelste stool al wiggepakt! Want DE jocus mot auch nog in de midde zitte.
Wae as aod Heljese prinssen hebbe dao nao nog ffkes get gedronke in d`n dorstige haen.
En zien toen um un oor of half 4 op hoes aan gegaon, um os klaor te maken veur os recepte.
|
|
| Date mit de angere prinsse beij Momus. | |
| 13-02-2012 | door de Prins | |
|
Um as prinsse elkaar toch get beater te liere kinne, en det de “prinsessen elkaar auch get mit elkaar koste kale,
Zien we aafgelaupe dinsdig beij momus un pilske weese drinke!
Want mit de recepties makes de grotste lol same, mer echt buurte kumpt der neet van.
|
|
| Receptie Brookhaze | |
| 06-02-2012 | door de Prins | |
|
Umdet ich Jeurig waas, 5 feb, waare we get ierder beijeingekomme beij de nabber um same mit raod, bestuur en vrouwlie, un stukske vlaai te aete en un bekske koffie te drinke.
Waonao we mit 36 man/vrouw richting t brookhaze riehk ginge!
Wederom waar t in de sprunk oftewel de brookhazekoet aan de werme kant J
Mer det mocht de prêt neet drukke!
Wae haije nog un verrassing beij veur Prins Rob en adjudant Bart,, wao auch vorst William erg verrast door waar,
Namelik de prinsse foto van jeugdprinsse paar van 1994 te weite Rob en Bart, mit prinsses William (fotos kiehk op os site veur de link nao de brookhaaze)
Rob haij auch nog de iehr um te lang zal ie leven te mooge zingen special veur Prins Nick van dörp en veur mig, gelukkig veur Rob dae de hofkapel mit en de rest van de zaal auch!
De receptive waas aaf en de polonaise werd wederom ingezet, en der werde auch nog un paar super snelle polonaises ge(laupe)rent.
De thied vloog um en veur det wae t wiste waar t alwir thied um te gaon, en we dachte det de bus klaor stong, mer det waar dae van Grashook.
Wae dao in de ozel boehte, mer good det der unne viever vol stong mi ties, dao koste we as waare sprintkampioenen nog ffkes t kind in os bove laote koome, want minse ies in combinative mit un paar biertjes duit wonderen.
Aangekomme in Beringe hebbe we der nog un paar gedronke in de café, en t waar un gezellige daag.
|
|
| Receptie Oelewapper Kunningslus | |
| 06-02-2012 | door de Prins | |
|
Op zadderdigmiddig ware wae oethgenuddigd door Prinses Ilona, vorst Rachelle en jeugdprins Ritchy
Van ‘t Oelewapper riehk!
DIt umdet Prinses Ilona (Kruger, woëhnend op de maxlaan) un beringse is.
Wae ginge mit un voltallige raod van 11 richting Kunningslus.
Van de barre temperature boehte waar binne nix te merke, in un dampened stampende Oelewapper koët, waare wae van harte welkom!
Erg sjoen um te zeen wie enthausiast wae ontvange werde,
Ilona, Rachelle en Ritchy kreege van os medalies van de Beringse kuus, en auch wae werde versierd mit iereteikene van de oelewappers!
Daonao werde de polonaises ingezat onger de klanke van de Breetaler oeth Maasbree.
|
|
| Receptie de kuus oeth Kepel | |
| 30-01-2012 | door de Prins | |
|
Um 11 euver 4 kwaame wae in kepel beij DOK aan, en de zaal waar boem vol,
Nao erg lang wachte waare we aan de beurt um Prins Pieter en Ellen, te feliciteren.
Vorst John, haij wir un aantal erg leuke anekdotes euver prins Pieter !
En umdet Pieter zoe zenuwachtig waas veur zien receptie mer veural vur de verhaaltjes die over em gezag koste waere heb ich em un BeringseKuuze rol wc papier umgehange!
Toen de receptie dan eindelik aaf waas kos t fiest beginnen,
T waas wir erg tof um os jonge en dames van de Raod veur dig te zeen “gek”doon as wae op de buhne stonge! Det duit dig good!.
En de tiehd dae vloog wir veurbeij! Veur wae t wiste waas t wir 11 veur negen, en werde we wir opgehalt.
In Beringe aangekome, hebbe wae mit un haup van de raod nog lekker frietjes gegaete.
En werd t auch wir tiehd veur Monique en mich um lekker te gaon slaope!
Un druk mer ge-wel-dig weekend!
|
|
| Bonkte Aovende. | |
| 30-01-2012 | door de Prins | |
|
Aafgelaupe vriedig waar t wir zoe wiet, de bonkte aovende, 2 aovende lachen gieren brulle!
T waas erg druk in de Wieksjlaag, allebei de aovende waare rats oethverkoch.
T waar dan auch erg gezellig, en erg werm op de buhne. Mer gelukkig haije we as raod, prins en vorst achter in “de bak” un natje en un droogje ! mit dank aan Leedje.
Wie t programma verleep kint gae allemaol leze erges angers op dees site.
T is natuurlik wel apart um alle acts aan de verkierde kahnk mit te maken, mer neet te min errug leuk, We hebbe de grotste lol gehad achter in de bak.
Wat ich zelf erug tof vong waas t optreije van Bram en Ruud, dees jonges zien echt top artiesten en allebei gezellige minse! En ze kreege de zaal good mit.
Auch nog get traone trekkers gezonge mit mig veur op de buhne, makte t hielemaol aaf!
Meuij mer voldaon gingen we nao hoes, en name we de kamereuij femilie en raod mit nao de waalsestraot, want dao stong soep en balle in tomate saus en sate saus klaor!
We konne zoewe aansjuuve, dankzei Anke en Twan, want die waare zoe leef gewees um t allemaol op te werme, nou ich toch aan t bedanke bin mot ich auch de balle dreijers neet vergaete te bedanke, dankzei uch hebbe we lekker gegaete! ( heb veul complimentjes mooge ontvange veural vur de sate saus)
En toen vanzelf werd ( weit ff neet of dit mit d of dt mot ;) ) t zoning merge.
En toen mos der opgeruumd waere beij os in hoes.
We waare good en wel bezig mit opruume, toen ging de bel……..
Radio :P en M stong veur de deur mit de vlaai van de waek, os pap haij mig opgegaeve umdet ich volgende waek beij de receptive vban kunningslus jeurig bin, en dus gin vlaai kos traktere, vandaar de vlaai van de waek.
Toen kwaam der un smsjes vanoeth de wieksjlaag, of we sonnesse soep kwaame aete, mit spek en eier.
Same mit t horeace taem van de kuus en de versierders, die de jiele merg al bezig waare gewees um de wieksjlaag wir op te ruume hebbe wae lekker gegaete!
|
|
| Booremoos Apres ski party beij de Nabber! | |
| 24-01-2012 | door de Prins | |
|
Um 4 oor begonnen we samen mit de raod beij de nabber mit os irste pilske, en al gauw werd t drukker en drukker,
Weem zal t toch waere.
Mingelmoos waas nao jaore aafwezig geweest te zien, der gelukkig wir beij um os te trakteren op un sjoen stukske muziek !!!
En dao kwaam unne skiemummie nao binne, nao “lang laufe”waar dae Sweizz in Os Beringe aangekomme, en deilde allemaol herzen oeth,
Tiroler Gerhard, waas de spraekbuus van vanmiddig! En dae reep um op t podium/biljaar.
So du bist in Beringe gekommen zei der, en nao veule erg goije Duitse weurd, kwaame der un aantal Maedchen op de buhn, wao hae de hertjes aan haij oeth gedild.
Ein veur ein maakte de maedjes de hertjes open, mer der stond steeds in: “schade du bist es nicht”
En de maedjes die nog in de zaal stonge moste in hun handtasjes kieke of der toevallig neet un foto inzoot van de onbekinde gast oeth Behringen sweizz.
Oeth Mingelmoos kwaam al get gegiebel, en dao werd Mia van Roij nao veure gedauwd.
En sie begos, de skierer te ontdoon van ziene sjaal, en dao onger zoot hae dan, neemes minder as Martien van Berlo. moog op vastelaoves mandjig in t onech gaon trouwe mit Mia.
Nao veul hendjes sjudde, en buurte, koste we dan eindelik gaon fieste! En det gebeurder der oethbundig.
En wie det zoget idderein nao hoes waas, kwaam gerdy steeghs nog mit unne treut aan laupe, en we moste de festwies same speule. T resultaat kint gae vinge beij mig op facebook, laote wae t der op haoije det t errug gezellig waas !!!
|
|
| Bonkte Aovend Kaertjes verkaup. | |
| 24-01-2012 | door de Prins | |
|
Zonnig (nog net) merge, zien we ffkes gaon kiehke wie de kaertjes van de bonkte aovend leepe,
We kwaame aan in de Wieksjlaag, en ich vong t errug druk, det haij ich neet verwach!!
Mer daarum waar de kaertjes auch binnen no time op, en ware der toen nog mer 15 veur de vriedig aovend……
Bin der snel beij want ………………..
|
|
| Receptie Kemphaze | |
| 24-01-2012 | door de Prins | |
|
Um dezelfde tiehd as gister warden wae wir netjes opgehalt beij de Nabber! En gingen wae richting Egchel!
Idderein waar aan t wachte bij t erf, mer neemes van de zusterverenigingen waar nog compleet, dus wae koste veur de verangering ins gewoen doorlaupe, en hebben nog zonger det wae t wiste veurgekroope, mer die van Kunningslus die waare neet de beroerste!!
We stonge dao um Prins Ruud en Josine te feliciteren, en wat os toen allemaol ter oere kwaam, wat dae jong allemaol haij oeth gevraete !!! samen mit de kamereuij op vakantie, sjocolade baverois jatte beij un camping, um mitt e neeme nao t huuske, um dao neet op tee ate, nae tegen de moor aansmere! En dao bleef t neet beij! Lees op de site van de kemphaaze t daagbook van Ruud!
T waar wir erg werm, en nao det de joekskapel oeth t verre “Dollekesgat” zien litste aohm, oeth blees, koste wae der wir aan wie verkes willem!!
Prins Ruudje veurop, samen mit Josine, en dae ging !!!!! polonaise nao polonaise, en op de bühne, en de minsen van de raod der veur, we hebbe os dao good geameseerd,
Natuurlik mos in Egchel auch de alte dessaur mars (mooie polka) gedreijt waere, dae waasw veurig jaor al in Beringe door oze aod Prins DJ Leon waas geïntroduceerd, mer heet dan eindelik de grenzen van Beringe gepaseerd, en wurt nou as ware hit pas in de rest van Limburg gedreijt !!
Ruudje is zoals missjien neet iddrein wit, un collega van os Pap beij komhoff, dus dae “mos”dao auch nao toe, mer die gingen al ierder, mer mien pap en mam gingen wel mit de kuus teruuk !! en det resuteerde der in det dae os nog un rundje heet gegaeve beij de nabber (nog bedankt auch names de rest van de raod)
Dus toen we der nog unne gedronke haije waas t toch wel tiehd um nao hoes te gaon!! Want we moste merge nog un fiesje make op ‘t Apres Ski Booremoos bal.
|
|
| Receptie Graasvraeters. | |
| 24-01-2012 | door de Prins | |
|
Nao un waekske wachten waas t dan eindelik wir vriedig, op nao de Graashook!.
Hutje mutje sotnge we te wachten wies we aan de beurt ware um Prins Fred II en zien Prinses Conny te feliciteren!
Speciaal mit os mit gegaon waar jeugdprins Koen en jeugdprinses Loes, want Fred en Conny, zien oom en tante van oze Koen!!!
As litste kwame de Pielpluime oeth Helenaveen! Nao un ware buute act kreeg Fred un paar klompe aan! En kos t fiest losbarsten.
In un Erg heite graasvraeterskoet gingen we dao op os irste receptive as aod “heljese”prinse.
Samen mit de rest hebbe we der vur Fred en Conny un sjitterend fies van gemakt!
Mer wae koste as Beringse kuus natuurlik neet nao hoe gaon veurdet we un ieuwe aoje tradisie in iere hadde gehaoije namelik, het partysnackfrikandellefriet hapje oeth de cafeteria van Leanzo !!!
En toen waar de bus der wir ! in de polonaise ginge we nao boehte, en stapte in, in de sjoen greune bus van de firma Ghielen, wao wae altied netjes door gehalt en gebracht waere !!
|
|
| Prins oethkomme in Kepel, Kunningslus en Echgel. | |
| 16-01-2012 | door de Prins | |
|
Neet in pak en zonger vaere, waare we mit un dillegasie oeth Beringe toch neijsjierig weem der prins zou waere in de rest van äod Helje”
We haije un roete oeth gesjtippeld, en we koste dreij oethkomes zeen!
We begoste in Kepel: un geweldig spektakel mit unne sjieke film,
De president van de kuus oeth kepel: Pier Verlinden, loog mit zien vrauw in bid en kos mer neet slaope want hae druimde euver de prins!
Nao unne zoektocht via C1000 en versjillende winkels in kepel, kwaam Prins Pieter Chatrou as prins teveursjien.
Toen as un haas nao kunningslus, mer umdet de bruk ope stong en we moste wachte op unne trein kwaame wae de brookhaaze koet net te laat binne stuuve, hae was al oeth t cadeau gekrope.
Prins Rob Smets, en zien (broor) Adjudant Bart mooge dit jaor in kunningslus regeren.
In egchel haije we mier geluk en koste we de prins-oethkoom-ceremonie wel zeen.
Naodet Vorst Twan , de scepter over heet gedrage aan zien opvolger Vorst Maurice (Reijnen)
Deurde t en deurde t, mer unne tovenaar heet vanalle atribuute oeth unne ketel gehald die betrikking hebbe op de neije prins.
Oeth eindelik stong hae gewoen in de zaal en neemes minder as Ruud(je) Peeters zal in Egchel gaon hierse deze Vastelaovend.
Al mit al waar t un geslaagd Weekend.
|
|
| P & M Leedjesfestival in Naer. | |
| 16-01-2012 | door de Prins | |
|
Aafgelaupe zadderdig zien we mit unne behuurlik groehte, volle bus richting Naer gegaon um de dames van Kwatsch aan te moedigge!
Ronk un oor of kwart euver 7 kwaame wae de prachtig versierde zaal binnen.
Good en wel 1 minuut binne trokke de hiëre van omroep P & M os (Vorst John II en Ich) aan de jas ,um mit te gaon veur un intervieuw,
Nao ffkes mit DJ Rob te hebben gebuurt, zien we teruuk gegaon nao de zaal.
Langzaam aan werd t drukker en gezelliger, “de sfeer kwaam der good in”.
Genietend van un good glaas lindebaum, Un erg leuke Joekskepel en gezellige leedjes oeth Peel en Maas ( en Naer ) werd t thied veur kwatch un zich te gaon opmaken veur un spetterend optreden…….
…………. En det waar t, ik geluif det gans Beringe veuraan de buhne stong um de dames toe te juiche.
Kwatsch geweldig gedaon !! un prestatie um trots op te zien !
In volle spanning hebbe we aafgewacht tot de oethslaag.
Sjapoo oeth kessel eik eindigde op de irste plaats mit ut nummer: “Waer alarm”
Nao de pries oethreiking, waar der fiest in Naer, unne geweldige compilatie van allemaol P en M vastelaoves krakers van de aafgelaupe jaore, erg tof inein gezat.
Waornao der nog un sjupke bove op werd gedaon en alle duitse sjlagers oeth de kast werde getrokke. ( zeen de foto`s veur t resultaat! )
Nao hiel wat gezellige eurkes in Naer te zien gewees kwaam de bus os auch wir netjes ophalen.
En heet os beij de nabber wir aafgezat!
|
|
| Prins Oethkome | |
| 09-01-2012 | door de Prins | |
|
Mien allerleefste Beringse kuuskes en kuus………………………………
Sjoen det gae wilt weite, wie det wae t dees daag allemaol belaeve.
Nao illike activiteit zal ich un verslaag toevoegen aan dit daagbook.
Mer t begos natuurlik allemaol al veul ierder, ik neem uch kort mit wie wae de periode hebben mit gemakt det neemes t nog mocht weite:
26 fibberwarie 2011, Prinsreceptie van (aod) Prins Leon I,
In unne bomvolle, erg heite zeer gezellige Wieksjlaag, ging alles wie elke prinsreceptie in Beringe
Tot det Wil mit mig kwaam klassjoneren, det dee dae wel dukker, allein nou vroog dae:
Wie zouse t vinge det volgend jaor dees receptie veur dich is!
Ich zei eigenlik metein Jao det zoe ich wel hiel erg leuk vinge, mer as ich det strax tegen Monique zek dan geluift die der gin snars van.
Daags dernao gingen we nao prinsreceptie Dörp wao Wil vroog aan Monique: Wie zouws stig t vinge um de vriendin van Prins 2012 te waere.
Heur irste reactie waar leuk, mer ich zal der un nachtje over slaope, wao op Wil zei: René heet al Jao gezag.
Toen waar ein ding zeker, we moste un jaor lang zwiege.
Sommige minse hebben t os mekkelik gemakt, en sommige hieeeeeeeeeeeel moeilijk !
7 januari 2012.
Eindelik was t zoe wiet
Op un sjitterende menier werd langzaam toegewerkt nao t bekind make van Prins 2012
Um 21:41 , kwaam ich dao oeth t kribke van kiendje Jezus, en stong ich dao veur unne Tjok volle zaal.
Lang gewacht en t veulde geliek good !
Kiepevel kreeg ich wie de zaal reageerde ………
Nao de Installasie en de proklamasie, ging t fiëst los barste.
Same veurop mit Jeugdprins Koen en Jeugdprinses Loes hebben we de polonaise iddere hook van de zaal laote zeen.
Wie um 2 oor de muziek der mit opheel en we door t Horeca personiel der oeth geveegt werde
Zien we nog beij os thoes nog get eier gaon braoije. Tot det we um 5 oor de litste de deur oeth hebbe gezat…………
In dreij weurd….
Ut waas geweldig !!!!!!!!!!!!!!
Pak de toeht en maak muziek,
Deze vastelaovend wurt Berings sjiek !
ALAAF !!!!!
Prins René II en Monique
|
|
| Daagbook van de prins | |
| 07-01-2012 | door Wepmaster | |
|
Vanaaf ut oehtkome op zadderdig 7 jannewari 2012 zal heij regelmaotig un versjlaag waere gesjreve door ozze neije doorluchtige hoëgheid. Belaef ut prins zien un bietje mèt en laes de ervaringe die unne prins allemaol mèt makt... |
|
